කොටි සංවිධානය යලිි නගාසිටුවිය යුතු බවට උතුරේ පැවැති
ප‍්‍රසිද්ධ රැුස්වීමකදී ප‍්‍රකාශයක් කිරීමේ සිද්ධියක් සම්බන්ධයෙන් අද
පෙරවරුවේ අත්අඩංගුට ගත් පාර්ලිමේන්තු මන්ත‍්‍රිනී විජයකලා
මහේෂ්වරන් මහත්මිය ඇප මත මුදාහැරීමට කොළඹ ප‍්‍රධාන
මහේස්ත‍්‍රාත් අධිකරණය අද නියම කර තිබෙනවා.

ඒ එම පැමිණිල්ල අද කොළඹ ප‍්‍රධාන මහේස්ත‍්‍රාත් රංග දිසානායක
මහතා ඉදිරියේ කැඳවූ අවස්ථාවේදීයි.

සංවිධානාත්මක අපරාධ කොට්ඨාශය භාර නියෝජ්‍ය පොලිස්පති
කමල් සිල්වා මහතා අධිකරණයෙන් දන්වා සිටියේ පරීක්ෂණ කටයුතු අවසන්
කර නීතිපතිවරයාගේ උපදෙස් මත මෙම සැකකාරිය අත්අඩංගුට ගෙන
අධිකරණයට ඉදිරිපත් කළ බවයි.

සැකකාරිය රිමාන්ඞ් භාරයට පත් කරන මෙන්ද මෙහිදී නියෝජ්‍ය
පොලිස්පතිවරයා අධිකරණයෙන් ඉල්ලා සිටියා.

එම අවස්ථාවේ මහේස්ත‍්‍රාත්වරයා නියෝජ්‍ය පොලිස්පතිවරයාගෙන්
විමසා සිටියේ සැකකාරිය රිමාන්ඞ් භාරයට පත් කිරීම සඳහා ඉදිරිපත් කරන
හේතු මොනවාද යන්නයි.

ඊට පළිතුරු දෙමින් නියෝජ්‍ය පොලිස්පතිවරයා සඳහන් කර සිටියේ
එවැනි සුවිශේෂ කරුණු කිසිවක් නොමැති අතර මෙම සැකකාරිය මහජන
නියෝජිතවරියක බැවින් අධිකරණය මග හැර යා හැකි බවට පූර්ව
නිගමනයක් ඇති කරගත නොහැකි බවයි.

කෙසේ වෙතත් සාම්ප‍්‍රදායික ලෙස ඉල්ලා සිටින ආකාරයට මෙම සැකකාරියද
රිමාන්ඞ් භාරයට පත් කරන ලෙසයි නියෝජ්‍ය පොලිස්පතිවරයා අධිකරණයෙන්
ඉල්ලා සිටියේ.

ඉදිරිපත් වූ කරුණු සලකා බැලූ කොළඹ ප‍්‍රධාන මහේස්ත‍්‍රාත් රංග
දිසානායක මහතා සැකකාර විජයකලා මහේෂ්වරන් මන්ත‍්‍රීවරිය රුපියල්
ලක්ෂ 05 ක ශරීර ඇපයක් මත මුදාහල අතර පැමිණිල්ල නැවත දෙසැම්බර් මස
7 වනදා කැඳවීමට නියම කළා.

LEAVE A REPLY